Ka Kolkata Airport ha ka seiñ wa nyngkong da pdiang ko ya ka lieñsuiñ wa heh dooh na ki Airbus Beluga- ka Beluga XL kawa dang heh ya ka Beluga ST.
Ka NSCBI Airport ka sorbah Kolkata da jooh pdiang ko ya ki ST Series tangwa ynnin i miet ka Kolkata Airport da pdiang ko ya ka XL Series Aircraft hei sien wa nyngkong, da ong u Spokesperson ka Airports Authority of India.
Kani ka lieñsuiñ da hiar ki heipor 10:43 i miet ha Kolkata na Bahrain International Airport heiwa da pdiang ya ka da ka Water Salute.
Kani ka lieñsuiñ da mih ko na Toulouse (LFBO/TLS) Airbus Factory, wow kit ya ki mar cha ka karkhana wa em ha Tianjin (ZBTJ), China.
Kiwa kreh ha kani ka lieñsuiñ da hiar ki ha Kolkata wow chongngiah namo Crew Flight Duty Time Limitations (FDTL) wei wow pyndap phniang.
Ka Beluga XL (Airbus A330-743L) toh ka Transport Aircraft wa heh dooh wa chna da ka Airbus wow kit ya ki tiar wa heh kam ki thawaner ki lieñsuiñ wa kiwi kiwi.
Discussion about this post