Ynne ka sngi man ko ka sngi wow sah khana parom yanom ya ki paidbah ka jylla Arunachal Pradesh hadien wa wan hiar ka lieñsuiñ kawa nyngkong dooh kam wow pyrchang chwa namo ka Calibration Flight ha ka Itanagar Airport ya kawa tip leh kam ka Hollongi Greenfield Airport.
Neiliang u montri rangbah ka jylla Arunachal Pradesh, u Pema Khandu da ong u wa da ki phaw snem ka jylla ym em u pynyabi ko wa kiwi ki bynta ka ri hanla em ko chiboon ki thaw uiñke suwari.
Da ong u leh wa neiliang u montri rangbahdooh ka ri, u Narendra Modi da pyntikna u wow em kani ka Airport ha ini i thaw.
Kani ka lieñsuiñ da wan hiar ko ynne heipor 9:20 chirup wa ki sahep na ka Airports Authority of India wei daw mih won ko mynstep ka sngi na kani ka jooh ka Airport.
Iwa sah kattu won toh sa ya ka Directorate General of Civil Aviation ka ri wa ka Ministry of Civil Aviation wow sdang ki wow kreh wow yoh license noh kani ka Airport.
Kam wow kdaw heini, kani ka Airport jngai ko kamwa 14 Km na nongbah Itanagar ha i thaw wa heh kamwa 320 hectare wei da booh mooyurim ya i kreh ya ka ha ka 20 Thohlakhmi 2007.
Ka luti (Runway) ya ki lieñsuiñ wow hiiar wei wow hær ha kani ka Airport jrong ko hadooh 7,546 Ft namo 2,300 meter.
