Kam chibynta wow pynku ya ki kaam uiñke suwari ha Meghalaya, ka sorkar ynne da sdang pyrchang ko wow pynhiar wei pynhær ya ka Seaplane ha nan Umiam.
Ini i pyrchang toh wow riñ ya kiwa uiñke wei wow pynku ya ki kaam pynwyrngia hapoh ka jylla heiwa ya ini da wan wai da u Montri ka Civil Aviation, u R. Naidu Kinjarapu hei emlang u Chief Minister, u Conrad K. Sangma wa kiwi.
Kani ka Seaplane toh ka wow pynlai da ka SpiceJet deiwa pynemkaam ya ka lieñsuiñ ka De Havilland Aircraft na Canada.
I pyrchang pynhær ya kani ka lieñsuiñ toh deiwa yarap ka Ministry of Civil Aviation hapoh ka UDAN Scheme.
Kani ka Seaplane da hær ko chipor ynne na ka Jetty Point wei da uiñ ko talawiar kani ka nan Umiam heiwa da yoo ya i miat ko.
Neiliang ka Airports Authority of India (AAI) da pynbna ko ynnin wa i wan ka De Havilland Aircraft ha Agatti Airport neibynta ka Demo Tour toh iwa da sdang nadooh ka 11 tarik uni u bnai.
Da pyntip leh wa kani toh ka jait lieñsuiñ DHC-6 Series 400 Amphibian Aircraft wei ini daw yarap i wow pynyabi ya ki thaaiñ kam ka Andaman & Nicobar Islands wa kiwi ki thaw wa em ha kdong yong ka ri, nadooh Kochi cha Guwahati River Front wa ha Umiam, Meghalaya.
Discussion about this post