Jowai: Heiyatoh wa i chah kset kiwa tih mooyong ha iwi i krem mooyong ha Ksan, hadooh ynne ka sngi ki chipai ka Indian Navy dang pyrchang ki wow sai ya i metyap wa ar kamwa da chem da ka kor ROV.
Ya ini i metyap da pyrchang wow sai hadooh ha khmut kani thlu mooyong tangwa neidaw wa boon i chah pynkhang chah pynwit ha ki dieñ ki praw wa kiwi kiwi ki mar hapoh kani ka thlu da pynchitom i wow sai ya ini i metyap. Heiyatoh wa ini, neiliang ki chipai ka 14 Assam Regimental da wan hiar ki cha kani ka thaw deiwa chna ya ka thaw sah wa chipor (Camp) nadooh ynnin i janmiet wow yarap ya ki ha kani ka kaam khamtam wow pynsuk ya ki chipai Indian Navy.
Neiliang ka CIL won dang pteiñ ko wow sai ya ka um na ki ar tylli ki krem warim (2 old shaft) nadooh ynnin hadooh ynne i janmiet ka 5:00 waje heiwa da ye u pynkrehkaam ya ki kor hadooh 36.5 kynta ya ki kor yong ki heiwa da antaad wa da sai hadooh kamwa 4139100 litre ka um.
Hajrong ini, ka KSB da pynkrehkaam ko nadooh 5:00 waje ynnin i janmiet hadooh ynne 7:00 waje i step (13 kynta) heiwa da sai ya ka um kamwa 2574000 liter wei da pynsangeh noh na ki daw wa em i thut ki kor.
Discussion about this post