Shillong: Kawi ka Bus kawa em ya u Number RJ 14 PE 0222 kawa wankit ya kiwa chong chnong ka jylla Meghalaya, heiwa ynne i step da wanpoi ko ha Shillong, kani ka Bus toh kawa kit ya 30 ngut kiwa lai puræ ha Rajasthan, wei kani ka Bus toh kawa nyngkong dooh wow wan poi ya kiwa sahkut cha baar ka thaaiñ North East.
Neiliang kini kiwa lai puræ kiwa da liwan cha ka jylla da pynsñiaw ki yei sñiawkmen wei sñiawngooh ya kitu kiwa da wai laad ya ki yow poi ki cha ki yung ki sem. Katkam wa ong kini kiwa liwan, da pyntip wa ki chem chitom bha ki ha Rajasthan nadooh wa sdang ka Lockdown, neidaw wym yoh i baam wa biang wei yachem ki boon i eh i khoo.
Katkam ka yutip wa da yoh, kani ka bus da mih ko na ka chnong Kota, Rajasthan wow lai hadooh 4 sngi yow poi cha Shilllong, kiwa wan da kani ka Bus kiwa em 33 ngut wa kynthup ya 3 ngut ki wa yah, ya kini kiwa liwan da dep wow phah leh ya ka Rapid Test ha ki thaw psiah cha kani ka jylla wei kattæ dang em ki ha ha Polo yow pyndep ya kiwa emkaam waroh katkam ki kyndon wa da booh da ka chnat i chait i khiah wa ka sorkar jylla.
Discussion about this post