Ha ka 10 tarik hadien wa u Montri Rangbah ka jylla, u Conrad Sangma dadep wai pyrda u yei lehkmen dap 50 snem ka Amlarem Civil Sub-Division ha ka yalang wa da pynman ha madan Amlarem, ka bynta wa ar yong ka yalang won toh ka CM Connect Block Level Community Interaction Program.
Lyngba kani ka CM Connect u Montri Rangbah khana u wa da pynwandur neibynta u ap u sñiaw yei eh i khoo ki paidbah kamjooh i e yumut kylliang deiwa yohlaad u yaklam markhmat wa oo deilang wa ki sahep sorkar.
U Conrad da ong u lyngba kani ka CM Connect ym mut wa waroh iwa pynsñiaw ki paidbah u ye u yarap lut waroh, tangwa em won leh ki bynta wym ye, kamtæ deiwa yoh laad u yaklam markhmat ye won u yoh yei che i sñiawthooh.
Ki paidbah wa da mih chakhmat wow klam, da em kiwa da pynsñiaw heiyatoh wa i puræ puthi, ki Scheme pynroi ha ka dong ka thaaiñ, i eh i khoo ha ki bynta khappood, neitæ heiyatoh wa ki kaam wa kreh wa khih ki kamjooh wa ki Scheme yong samen wa yoh yarap ki na ka sorkar wa kiwi de.
Em leh napyrdi kiwa klam da e yaroh ki ya ka sorkar hajrong i yoh myntoi ki na ki Scheme sorkar wa da mang kyrpang ya ki haki bynta waphær waphær.
Napyrdi ki bru paidbah kiwa da wan chakhmat wow klam da em leh kawi kawa duna hei bor khmat kawa da e yaroh ya u Conrad wa nadooh wa man u kam u Montri Rangbah, ki kam kiwa em i duna hei doh i pran da yoh myntoi ki chiboon lyngba ka ICDS wa kiwi de ki Scheme wa da wanrah u.
Wei heijooh i por kyntu haroh ko ya u Montri Rangbah wa lada toh iwa ye wow yaleh u wow pynku chooh ki laad yarap cha kiwa em i duna.
Discussion about this post