Kam chibynta i lehkmen dap 50 snem ka thma yaleh laitlooid ka ri Bangladesh kamjooh i lehkmen yei dap 75 snem ka ri India iwa da khut Azadi Ka Amrit Mahotsav, da pdiang sñiawbha ya 25 ngut ki nong Bangladesh ha Shillong kiwa man kam kiwa yaleh laitlooid (Mukti Jodhas) kiwa da embynta ha ka thma Bangla ha u snem 1971.
Ya kini ki 25 ngut da yahkhamt da u Haroon Habib wei da pdiang sñiawbha ya ki da u F R Kharkongor, Commissioner & Secretary, Arts & Culture wa u K L Nongbri, Joint Secretary, Arts & Culture ha U Soso Tham Auditorium, Shillong ynne ka sngi.
Kini ki 25 ngut ki Bangladesh Mukti Jodhas (Freedom Fighters) da lai ki leh cha khloo kyntang wa em ha Mawphlang yow yoo, u maad ya iwa rim wa jah yong ki Khasi ynne hi ka sngi.
Ha chwa ini, ynnin ka 9 tarik da pdiang sñiawbha ya kini ki 25 ngut da ki BSF ka Meghalaya ha ICP Dawki.
