Jowai: Ki 5 ngut ki dkhot ka Central Mine Planning and Design Institute (CMPDI) Ranchi, Jharkhand wa kynthup ya u N. Ramakrishna, CM (Geology), u T. Pramanik, AM (Geology), u Satyendra Prasad, Sr. Surveyor wa u Sandip Datta, Surveyor da poi ki ynne ka sngi ha Khliehriat, EJH chirup wa kiwa kreh ka chnat DMR ka sorkar jylla Meghalaya yow pynman ya ka sorjamin wa i puræ yei long i man ka kyndaw wa i rukom tih mooyong cha kani ka thaaiñ.
I wan kini ki dkhot ka CMPDI toh yow yarap ya ka sorkar jylla wow pynkhreh ko ya rukom tih mooyong namo ka Mining Plan kamjooh ka Policy wei da jied ya ka Dienchynrum kam i thaw wow pynman ya ka thooh bniah.
Neiliang u President ka Jaiñtia Coal Miners and Dealers Association (JCMDA) u B. Swer da ong u ka seiñ hadooh ka yalang wa dang dep pynman ki ha kini ki sngi wa da dep da chim ki ya ka rai wa emkaam wow chna noh ya ka Mining Plan kawa ye ka NGT kamjooh ka Supreme Court u pdiang neibhah lada ym em kini ym pynlait de wow tih mooyong.
Da ong u leh wa ka NGT khang ko du yei rukom tih mooyong wa katni wei lada leh da ka rukom tih mooyong katkam ka juk wa katni daw pynlait noh ya u mooyong khamtam wa neiliang ka Ministry of Coal leh da mynjur ko wow pynlait ya ka jylla Meghalaya na ki aiñ tih mooyong lyngba ki kyndon ka Sixth Schedule wei lada ka sorkar jylla ye ko u chna ya ki aiñ tih mooyong wa biang daw lait noh u tih mooyong biang.
Da em leh ki dkhot ka CMPDI kiwa lai cha West Khasi Hills wa cha ri loom Garo.
Discussion about this post