Wan kiwa da pyndep yei chah sikai yow lehkmen ya ka World Youth Skills Day

Ka World Youth Skills Day toh kawa da lehkmen man-u-snem ha ka 15 tarik u Naiynñiaw wei neibynta uni u snem da pynman hajrong ka phang “Skilling teachers, trainers & youth for a transformative future”.

Ka thong wa da pynman ya ini toh yow pynche hajrong ki sap wa toh u em yow ye u yoh kreh wei kamjooh leh yow seiñ khih wei da man ko leh ka laad ya ki sahep sorkar wow yachem wa kiwa e sikai kamjooh kiwa chah sikai yow sñiawthooh kammon i e sikai wa da pynman da ka sorkar da e yarap ko ya ki khynroo khyllood wei kamjooh yow pynbha pynmiat chooh chooh.

Neiliang ka Meghalaya State Skill Development Society (MSSDS) da lehkmen ko ya kani ka sngi deiwa khana ya ki parom kiwa da yoh sikai kiwa da ye u yoh yei jop ha ki kaam wa leh ki heiwa da wan wow ap u sñiaw yeini da u Challienkhum Songate, (IRS), Principal Secretary ka Labour Department kam u kongsan waka Isawanda Laloo, IAS kam ka symbood kongsan.

Ha kani ka sngi da pynkup burom leh ya ki seiñ wa e hikai namo ki Traning Provider, kamjooh ya kiwa chah sikai kiwa da lehbha dooh na waroh wei da pynkupburom leh ya kiwa kreh ka MSSDS.

Related posts

Khlaad noh ka Kong Nitaboris Biam

November 9, 2024

Sñiawkhia u Andrew Shullai ya i tlot i rukom pynmih poisa ka JHADC

November 7, 2024

Da yoh leh ya iwi i sur wa da chna da “Ka Kynhun ki Syrdeng” iwa da klam yei kordor i por wei iyi wow jia lada pynsepai yei por.

Da em leh ka yalehke Drama wa tbiang wa da e pyrtuid “What Matters” wa da e da ki dkhot ka Chi Iung, iwa da pynka-it ya ki paidbah wei da em leh i chaad wa da yahkhmat da ki Eastern Dance Icons.

Da booh leh ki thaw wow pynyoo ya ki mar ki mata wa da chna da pynmih da kiwa da pyndep ya ki Skill Training kawa man leh kam ka yaaw ya dai ya thied.

Neiliang ka MSSDS kam chibynta wow pynkhreh ya ki khynroo khyllood yow ye ki wow yoh kreh wei wow seiñ khih da dep ko wow thap pyrtuid 9000 ngut ki khynroo khyllood wei kiwa da pyndep yei chah sikai da em ki 4000 ngut hapoh ka Skills Meghalaya.

Ka thong toh yow e sikai ya 1.2 lak ngut ki khynroo khyllood nadooh kiwa dang lai skur, kiwa da dam skur, ki wym pu em khih kmjooh kitu kiwa kwah wow pynpliah yei kaam yong ki.

Ki khynroo khyllood kiwa em i kwah wow yoh yei sikai, ye ki wow lai cha ka yung krehkaam ka MSSDS wa em ha Grove Site Building, 3^rd Floor, Keating Road Shillong lane deiwa lai ha ka Website www.mssds.nic.in.