U Transformer uwa da sih ha Dong Lum Siat Thong Khliehriat West la chi tayaw da wan wow kylliang thymme da uwi da ka chnat Distribution ka MeECL na Khliehriat.
Neiliang ka EJNC-Khliehriat Unit kawa da booddien ya ini i kaam deiwa lai e dorkhat leh ha ka 25 tarik u bnai wa dep deiwa ong wa wa neidaw wa sih uni u Transformer da ktah bha ko ya ki bru khamtam ki khynnah wa dang pynkhreh wow yaleh Exam heiwa neiliang u SDO da pyntip u wa da pyntip u ya ini cha u heh ka MeECL yow leh yeiwa emkaam.
Kamtæ neiliang ka seiñ da e khublei ko ya ka MeECL wa da smat ki wow wan pyndait ya uni u Transformer thymme deiwa e khublei kyrpang ya u SDO ka Khliehriat u K. Iakai wa ya u Executive Engineer u T. Iakai yei chimkhia yong ki wow pynmankaam yei dawa ki paidbah.
