Ynne ka sngi, ka chnong Mynkrem Shangpung, West Jaiñtia Hills da pynman ko yaka yalang paidbah hajrong ka yurim wow pyrchah joor yei thmu yong u waheh chnong katai ka chnong wow booh yaka karkhana Coke Factory hajan chnong kawa ye wow khtah yei chait i khiah, ki umbaam umdih wa ka rep ka riang ha katai ka chnong.
Ha katai ka yalang da em leh ki seiñbhalang na ri-loom Jaiñtia kam ka KSU, JSM wa ka JSU wow kyrchaan lang ya kiwa chong chnong yong ka chnong Mynkrem.
Ha i klam u Organising Secretary ka KSU-Jaiñtia Hills District Unit, u Leningrad Tariang da ong u wa najrong wa dooh yei chait i khiah, i wan yong katai ka karkhana daw wanrah leh yaki baar jylla ki wow wankreh ha katai ka chnong, wei ym wanrah myntoi iyi iyi leh ya kiwa chong chnong.
Da em leh kiwa chong chnong kiwa klam ya ini i leh embor u waheh chnong katai ka chnong neibhah wa ha katai ka chnong dang boon ki bru kiwa im hei rep i riang wei ka rymaw leh dang man ko kawa khooid wa suba.
