U Prime Minister ka ri, u Narendra Modi hawa klam ya ki paidbah ka ri ynne i miet, da ong u wa iwa jia ha Pahalgam toh iwa da ktah bha ya oo samen wei da e bor ya ki chipai ka ri wow tylliat ya kini ki Terrorist hadooh wa lakhit ki.
Da ong u wa kiwa choon yong i kattu da tip ki kammon u jia hawa niaam khooid phi yei ‘Sindoor’ na thnga ki kynthai yong i wei kani ka Operation Sindoor ymtoh du i pyrtuid donhi heiwa ha ka 7 tarik ka pyrthai waroh kawi da yoo ko yeiyi wa da leh da jubab manda tne ki Missile wa ki Drone yong i ya ki thaw wa em kini ki Terrorist kiwa da em palat 100 ngut kiwa da yap. Tangwa ka Pakistan da siat kylla ko ya i heithaw wow yarap yaleh pyrchah ya kini ki Terrorist.
Chooh chooh da ong u wa ka pyrthai da yoo ko hadooh katwon dooh mynsien ka Pakistan hei bor chipai ka India manda chah siat ki Air Base ki ha ki Missile wei hadien wa da sñiaw ki wa da rem, ka Pakistan da kynjooh ktien ko ya i deiwa kular wow dam wan toor cha India. Wei kattu chong ha iyi wa leh ka Pakistan neini chakhmat.
Da ong u leh wa hadien wa joor chah siat tympra, da pynman ya u Director General of Military Operations (DGMO) ka Pakistan wow lai kyrpaad yei yasuk deiwa yaklam wa u DGMO ka India.
Kamtæ da ong u ki chipai ka Pakistan toh kiwa thylli hawa nujor wei bor ki chipai ka India.
Da maham u leh ya ka Pakistan wym toh u pyntieñ da ki Nuclear wei deiwa em ka Operation Sindoor ka India u leh ko deiwa thymme ya ki Terrorist neibhah da dep ki wow kaap ya u pood thymme.
Discussion about this post