Wan maham ki Karbi ya ki warep ka Lapangap deiwa phah pynkylla ya ki kot Pata

Ynnin ka sngi ka 4 tarik heipor kamwa 9:00 waje i step, ki bru Karbi wa kam leh wa toh na ka seiñ KSA ryngkat i emlang u Augustine Hanse wa u Waheh Chnong ka Tahpat (Karbi) da wan maham ki ya ki warep yong ka chnong Lapangap kiwa lai rep ha pynthor Lapangap.

Kini ki pynthor toh kiwa em pyn hajan ka chnong Lapangap wa dang haap ha Elaka Shilliang Myntang, West Jaiñtia Hills District.

Kini ki Karbi da ong ki wa hap ki tre chnong Lapangap wow pynkylla ya ki kot ki Pata Hali yong ki cha Assam wei da maham ki leh wa lada ki warep ka Lapangap ym kylla ki ya ki kot ki Pata Hali cha Assam hapoh ar bnai, daw pyrchah ki yei wan rep wan riang ki ha ini i pynthor.

Hadien ini neiliang ka Dorbar Chnong Lapangap da pyrchah joor ki yeini i leh ki Karbi kiwa kam leh hei pyrtuid ka seiñ KSA.

Related posts

Markhmat wa ki paidbah yaklam u Wailad yow ap yeiwa chem chitom ki na ka Scheme MHIS wa PMJAY 

September 19, 2026

Ka Meghalaya toh kawi na kiwa miat dooh ha pyrthai, daw ku i wan ki Tourist na baar ri, ong u Montri khynnah ka sorkar pyrdi

September 19, 2026

Kamtæ ka Dorbar Chnong Lapangap da maham joor ko wa lada jia iwon iwon ya ki warep ka chnong, kini ki bru toh ki wow bahkhlieh kamjooh leh da kyrpaad ya ki bor sorkar wow sñiawbha chimkhia yeini i wan maham ki Karbi.