Ka lympung yalehke wa tip kam ka Chief Minister’s District Level Inter School Athletic Meet 2023, wa pynman da ka yung krehkaam u District Sport Officer, West Jaiñtia Hills District chirup i krehlang ka West Jaiñtia District Sport Association da poi ko chawa kut ynnin ka sngi ha Kiang Nangbah Stadium, Jowai wei napyrdi ki 31 tylli ki skur wa chimbynta ha kani ka Inter School, ka skur North Liberty Higher Secondary School Jowai toh kawa wan nyngkong dooh hei yakob yong ki kyrdan waphær waphær.
Ki jait yakob ha kani ka lympung kynthup ki nadooh i phet pyllah, ka Long Jump, High Jump, Shot Put, Javelin Throw, Relay wa kiwi deiwa bhah ha ki rta waphær ya kynthai wa chynrang.
Yei naam Best Athlete yong uni u snem haka Under-14 Boys da yoh da u Khrawborlang Lyngdoh na ka skur North Liberty Higher Secondary School Jowai, ha ka Under-14 Girls da rah da ka Adora Bella Syntem na ka skur H.K. Singh Memorial Secondary School Jowai, ha ka Under-16 Boys da rah da u Damitre Kynjing ha ka Under-16 wei ha ki Under-16 Girls da rah ka Deigratia Dan, ha ka Under-18 boys da rah u Sajemiki Shylla, ha ka Under-18 Girls da rah ka Speromeliora Langstang, pynsoo ngut kini toh na ka skur North Liberty Higher Secondary School Jowai.
Heiyatoh i naam Best Team Under-14 Boys da rah ka North Liberty Higher Secondary School Jowai, ha ka Under-14 Girls da rah ka Police Public School, ha ka Under-16 Boys ka North Liberty Higher Secondary School Jowai, ha ka Under-16 Girls da yoh da ka North Liberty Higher Secondary School, ha ka Under-18 Boys da yoh da ka Govt Boys Higher Secondary School Jowai, ha ka Under-18 Girls da yoh da ka North Liberty Higher Secondary School Jowai.
Katwa yei naam Best Discipline da yoh rah ka St. Marry Mazarerallo Higher Secondary School Jowai,
Ya kani ka Inter School Athletic Meet da wan pynhaap pyrda da u MLA ka Jowai, u Wailadmiki Shylla heiwa da kyntu u leh ya kiwa chimbynta khamtam kiwa yoh rah naam jop wow nang leh chitom chooh chooh ki chakhmat.
Da ong u leh wa neiliang u Montri Rangbah ka sorkar jylla da yaleh u wow sdang boon ki kaam neibynta u yarap ya ki khon khynroo khyllood la heiyatoh wa ka Sports, næ kiwon ki jait e sikai wa yatoh hei sap waphær waphær, heiwa wot oo hi leh na samen da pyrchang u, kamtæ kyntu u wa iwa sah toh sa i kreh chitom donhi hi.
