Ha ka 20 tarik uni u bnai da em ki bru wa pynemkaam bakla ya i pyrtuid u MDC ka Muthlong Sohkymphor Constituency, u Lomris Lyngdoh heiwa da pynbaad ki wa u MDC da thied u ya ki bru na baar yong ka Constituency wow wan cha ka yalang Election u kyrtong ka UDP na Khliehriat, u Kyrmen Shylla.
Ya ini i yaklam da pynpoor lyngba ka YouTube ha ka 20-02-23.
Hadien ini neiliang u MDC da ujor u pyrchah ya kini ki bru ha u In-Charge ka Ladrymbai Police Station neibhah wa da dai sarom ki oo kamjooh leh ya ka Party UDP hi waroh kawi.
Ynne ka sngi won neiliang kiwa klam ha ini i Video kamjooh kiwa ha-yung ha-sem yong ki da wan paan maap ki na u MDC wei wa da phla ki wa kini waroh toh du i leh kyndeh donhi wei ym mut wow daisarom ya u MDC wa ya ka Party wei wym poi pyrkhat ki wa daw em kiwa pynpoor ya ka Phone Recording wa yaklam ki hi ha ka YouTube weiwa iwa klam ymtoh iwa sakhiat.
Kamtæ neiliang u MDC da pyndam noh u ya ka ujor pyrchah ya kini ki bru wei ya i Video wa phla kini ki bru ye phi u pait ha wah.
