Jowai : Hadien wa em kiwa chong kule hajrong u mot dakha wa chna ka JFEPA uwa em ha Syntu Ksiar, Jowai wei hadien wa phah hajir ka seiñ ya kini ki le ngut u President ka seiñ u ma Lamwan Paswet da pyntip u wa kini ki le ngut da wan paan maap ki ha khmat ka seiñ.
Kini ki le ngut da wan ki ha ka 1 Naisaphra heiwa da wanrah ki wa ka chithi paan maap na ka seiñ deiwa ong wa ym tip ki wym hoi u chong ha uni u mot.
Ka seiñ dei mynsien wa khia da maap ko ya kini ki le ngut khlem da daiñ kuna ya ki wei kini ki le ngut da kular ki wow yakreh wa ka seiñ neibynta i bha i miat neini chaphrang.
Heijooh i por u ma Lamwan da pyntip u leh wa lada dang chem wa em wa leh ya kam kini ki kaam wei kiwa leh sih heini i thaw, ym maap de ya ki wei wow e bait da ka FIR cha ki pulit.
Discussion about this post