Sa uwi u bru da wan u wow paan maap na kiwa ha-yung u Generous Paslein uwa man kam u kyrtong samen ka 1-Nartiang Constituency heiwa uni u bru da pynpoor u ya ka khubor thok deiwa ong wa u Generous da chim poisa u na u Sniawbhalang Dhar.
Uni u bru wa tip kam u Yiang Maskut uwa na chnong Nartiang da khana u wa oo toh uwa kyrchaan yong u Emlang Laloo, kyrtong ka Congress ha kani ka Election MLA wa da dep wei da wan pynche u yei klam wa i pynbaad yong oo ym du ya u Generous Paslein wei wot ya u Hilarious Dkhar uwa man u pa u Generous wa ya uwi leh u bru.
U Yiang da pynche u yeiwa da khana u cha ki bru wa u Generous Paslein wa u Hilarious Dkhar da chim poisa ki na u Sniawbhalang Dhar neibynta kani ka Election MLA 2023 wei ini toh du ka khubor hamsaya du wow pynhiar dor ya u Generous Paslein ha ka Election MLA.
Kamtæ da kyrpaad u ya ki paidbah ka 1-Nartiang Constituency wym toh u ap ya kam kini ki khubor wa da klam chawah chaneiñ wei ini toh du i pharep ki paidbah ya u Generous Paslein wa u Hilarious Dkhar.
Da paan maap u leh ya uwi na kiwa chong chnong ka Nartiang wa pynbaad u ya oo kam uwi na kiwa dai ya ka chnong.
Kamtæ da kular u wa neini chakhmat lada dang chem ki wa klam u ya kam kini ki kyntien, ye ki bru wow e FIR oo kamjooh wow e da ka Defemation Case.
