Uwa chong chnong ka Wapung Chnong uwa tip kam u Rijen Dkhar da wan paan maap u na ka chnong hadien wa pynmih u ya ka Video ha Facebook lyngba ka Account wa em pyrtuid ‘Sajen Wapung’ heiwa da pynsñiaw u yei pyrchah yei pynman ya ka Fishing Competition ha ka nan wa em hapoh ka chnong wa tip kam ka Pdeinthlu kawa da mut wow pynman ha ka 6 tarik uni u bnai.
U Rijen da ong u wa da pynmih u ya kani ka Video heipor wa chongchit u, wei u ya krehlang u wa ka chnong yow man kani ka yakob khwe kawa jop wei da khut u leh ya kiwa khwe wow wan ki u chimbynta.
Kamtæ neiliang ka Dorbar Chnong Wapung Chnong da pynche ko cha phi ki paralok wa khwe kiwa maya wym em i pyrchah u pynman ya kani ka Fishing Competition wei da khut sñiawbha ya phi wow wan chimbynta phi ha katai ka sngi.
Discussion about this post