Shillong: U Chief Election Commissioner (CEC) ka ri, u Om Prakash Rawat hei synraan lang ki heh ki Election Commissioner wa kynthup ya u Sunil Arora wa u Ashok Lavasa da wan ki wow bichaar ya i rukom man wei long ka jylla neibynta ka Election ka wow man ha ka 27 tarik uni u bnai.
Ha kani ka sngi kawa ar sngi, u Rawat u da yachem u wa kiwa yahkhmat ki seiñ saiñ hima waphær waphær wow wanrah ya ka Election kawa lai bait.
Da yaklam u leh wa ki heh ki District, ki pulit, ki Central Armed Police Force (CAPF) wa u Chief Secretary u Y. Tsering.
Da yachem u leh wa ki heh ka Income Tax, Narcotics Control Bureau, Excise wa kiwi kiwi ki tnat sorkar.
Hawa yaklam wa kiwa pathai khubor da ong u wa ka Election Commission da pynkhor bha ko ya ki kyndon kiwa klam beiñ namo wow pynchongchit paidbah.
U Rawat da ong u wa ki EVM wa ki VVPAT wow pynemkaam ha kani ka Election wei ha waroh em ki 3038 tylli ki thaw thap vote neibynta ki 60 tylli ki Constituency.
Da ong u wa da em 111 tylli ki Flying Squads, 136 ki Static Surveillance wow sonteri wei wow paitsiar wa lai bait ka Election.
Hadooh ynne ka sngi da khyrrup hadooh T. 17.25 Lak ka poisa wei 20,934 Liter i kiad nadooh wa pynbna ya ka election.
Hei yatoh wa ka ujor ka BJP pyrchah yei chiliang u heh pulit DGP wow yarap ya u Dr. Mukul Sangma ha kani ka Election, u Rawat da ong u wa ka tnat Election daw bichaar ko wa lada em ka sabut kawa biang.
Ka BJP da dawa ko na ka Commission wow pynkhor yei sonteri ki pulit ha ki Constituency wa yaleh u Dr. Mukul khnang wa ka Election u man ko kawa lai bait.
Discussion about this post