Ka Dorbar Chnong Mawsynram da yieñ bait ko ha ka yurim wa ym ye wow mane Blai hapoh ka krem Mawjymbuiñ, tangwa ya katai ka krem u chah u psiah u mih du neibynta kiwa uiñke suwari.
Ynne ka sngi, ka Deputy Commissioner yong ka East Khasi Hills da lum ko ya ka Committee katkam wa phah ka Meghalaya High Court neibynta wow pynbait yei kaam heiyatoh wa ka krem Mawjymbuiñ.
Hawa klam hadien ka yalang, u Hiamdor Rapsang, Asst. Waheh Chnong da khana u wa ka dorbar chnong da pynsñiaw ko wym khang ya ki bru wa lai paitke ya ka krem Mawjymbuiñ, tangwa ym chah won wow pynman ya ka kam ka thaw mane Blai.
Ha kani ka yalang da wan lang leh da ka seiñ ki hindu na Assam, ka Kutumba Surakshya Parishad (KSP).
Neiliang ka dorbar chnong da pynsñiaw ko yei wym sñiawsuk yei wan tuklar ka KSP, tangwa hadien wa da klam pynsñiawthooh da ka Deputy Commissioner, da mynjur wow chong ha ka yalang.
Discussion about this post