Jowai: Ynne ka sngi, ki 8 ngut napoh West Jaiñtia Hills kiwa da sahkut ha jylla Gujarat da wan poi ki chapoh West Jaiñtia Hills ynne i janmiet.
Kini da wan ki na Gujarat ynne i sngi da ka rel hadooh ha Guwahati wei neitæ won da ka bus hadooh wa poi ha Highwinds, Thadlaskein wow pynpsiah (Register) pyrtuid ki wa kiwi kiwi wa emkaam.
Kini ki 8 ngut hadien wa da leh yeiwa emkaam daw yah ya ki cha Maternity & Child Hospital wow leh chooh ya kiwi ki Test wei neitæ won daw liwan ki wow leh ya ki Quarantine katkam wa da booh kyndon ka sorkar.
Chooh chooh ynne ki sahep ka District da lai pait ki ya ki Home & Community Quarantine hapoh Amlarem Civil Sub Division yong kiwa da wan na kiwi ki jylla nadooh kini ki tayaw wa dadep kam na ka thaaiñ mihsngi wa na Tamil Nadu.
Neiliang u DC ka district, u Dykes LNS Garod da pyntip u wa ha ini i lai pait ki sahep ya kini ki thaw da chem wa biang bha i rukom pynlai ya ki Village COVID-19 Management Committee.
Discussion about this post