Wan poi syndet ki 2 ngut na Assam cha Jowai ha ki thuk-thuk

Jowai: Ynne ka sngi hapyrdi wa krehkaam ka Lockdown weiwa da khang yei lai i wan ki bru na kiwi ki jylla (Inter State) da chah ksoh ki ar ngut ki bru wa wan na Assam cha Jowai.

Ya kini ki ar ngut da ksoh ha ki thaaiñ Lad Lumpariat wa Lad Mookyrdup, Jowai wei da ekti ya ki cha ki pulit.

Kini ki ar ngut da wan ki ha ki ar tylli ki thuk-thuk (Motorcycle) wei da pynyoo ki wa em ki ya ki Pass wa ong “ON BANK DUTY” wei man ki leh ki wakreh yong ka Bandhan Bank.

Manda takit bniah ki pulit ya kini ki ar ngut heiwa kammon wa poi ki cha Jowai, da ong ki wa da pynemkaam ki ya ki Bank ID yong ki wei da chah ya ki wow lai luti ki.

Related posts

Khlaad noh ka Kong Nitaboris Biam

November 9, 2024

Sñiawkhia u Andrew Shullai ya i tlot i rukom pynmih poisa ka JHADC

November 7, 2024

Neiliang ki bor pulit ka District da pyntip ki wa i yoodur i daw wa da chah ya ki wow poi hadooh ha Jowai toh wa da mut wa wan ki na Shillong.  

Hadien wa ekti ya kini ki ar ngut cha ki pulit da yah ya ki cha ka thaw sylli (Check Point) wa em ha Yingkieñ Myntdu heiwa da sylli ya ki wei hadien ni da yah noh ya ki cha ka Quarantine Centre wa em ha JNV, Mukhla West Jaiñtia Hills.