Ha ka 19 tarik, ka Jaiñtia Student’s Movement (JSM) ryngkat i emlang u General Secretary JSM-CB, u Roitre Dkhar wa u Working President ka JSM-CB, u Jimmy Raul Kharmuti ha ryngkat i emlang u President JSM-WR, u Ribok N Biam wa u General Secretary JSM-WR, u Chanskhem Suchiang da pdiang sñiawbha ki ya u Pynbiang Rymbai kam u dkhot EC yong ka Central Body ryngkat wa kiwa bood yong oo wei da sdang leh ya ka Moodymmai Unit.
Ya kani ka yalang da pynlai da u Ribok N Biam wei da yoh ya i klam sneiñ kyntu na u Jimmy Raul Kharmuti heiwa da pdiang sñiawbha ya ki dkhot na ka chnong Mukhla wa na Moodymmai Unit.
U Jimmy da ong u wa i wan psiah u Pynbiang Rymbai man i kam i kyrkhu wa khroo ya ka JSM waroh kawi wei daw man u kam uwa e buit e mynsien ya ka JSM neibhah wa man u u bru wa chemphang yong ka thaaiñ.
Neiliang u Ritre Dkhar da ong u wa kam ki dkhot toh u man kiwa jai-jai wei kiwa emburom ha ka imlang sahlang wa hawa kreh ha chnong ha thaw.
Da yoh leh i klam e mynsien ya ki dkhot thymme ka JSM da u Pynbiang Rymbai wa i klam na u Secretary ka Moodymmai Unit.
Da pynkut ya kani ka yalang da ki kyntien khublei na u Chanskhem Suchiang, General Secretary JSM WR.
Discussion about this post