Wan psiah NPP kiwa na Nongkhroh kiwa jooh em hapoh ka Congress wa VPP

Ynne ka sngi, u MLA ka 1-Nartiang uwa man leh kam u Deputy Chief Minister, u Sniawbhalang Dhar da pdiang burom u ya kiwa kitkaam yong kiwi ki sei saiñ pyrthai wa kynthup ya kiwa na Congress wa ka VPP kiwa na ka chnong Nongkhroh.

Hawa yaklam wa ki kattu katni kini kiwa yahkhmat, da ong ki wym pu jooh em kyrchaan ki mynnu mynnu ya u MLA tangwa hawa pait ki ya ki kaam wa da leh wa ka roi ka paar ha ka Constituency wa ha ka chnong yong ki, da pynman ya ki wow wan psiah noh cha ka NPP.

Neiliang u Sniawbhalang da pdiang u dei burom ya waroh deiwa ong, “Nadooh kani ka sngi phi toh ki yong nga wei nga toh u yong phi. Ya kiyi kiyi waroh wa dadep u mylliñ noh ki wei u ya krehlang neini chakhmat neibynta i bha ka mynried ka chnong ka thaw”.

Related posts

Chem kiwa khih mylla ya u Artillery Shell ha Shillong

April 1, 2026

Ym psiah ka UK ha ka thma Iran: PM Keir Starmer

April 1, 2026