Ha ka 7 tarik uni u bnai, ka JSU wa kiwa mihkhmat ka Jio Company da chong yaklam ki ha Jowai heiwa da wan wow mihkhmat da u Shah Vawaz Hussian, Integrated Access Network Lead, uwa pait leh ya ka Network ka Jio hapoh ka Ri-loom Jaiñtia waroh kawi.
Ha ka yalang da rai wow pynbha noh ya ki Network hapoh ka thaaiñ Shangpung wa ha Raliang wa waroh hi ki thaw wa em hapoh ka Jaiñtia Hills. Tangwa uwa mihkhmat ka Jio da ong u wa ki kreh chitom ki wow nang pynbha ya ki Network hapoh Ri-loom Jaiñtia waroh kawi wei i daw wym ye u pynbha toh neidaw wa boon kiwa tooh ya ki tiar (Wire/Fibre) wei em leh ki damok wa ah ya ki Fibre iwa da ktah ya ka Network waroh kawi.
Uwa mihkhmat ka Jio Company da kular u wow pynbiang ya ki Network deiwa paan yei krehlang ka JSU heiwa ka seiñ da e buit ko wow e kreh ya kiwa boon ki khynroo hapoh ka Jio.
Ha kani ka sngi leh da rai wow pynuiñ ya u chabi ka yung krehkaam ka Jio wa em ha Shangpung kawa da dep khang khyrdep da ki dkhot ka Shangpung Unit ha ka 3 tarik uni u bnai.
