Ki pulit ka East Jaiñtia Hills lyngba u Officer In-charge ka Lad Rymbai Police Outpost da ye ki u pynman ya i pynsñiawthooh ya ki khynnah skur ka Tep Kyndait Govt. School, Tuber Kmaichnong heiyatoh wa ki jait drugs wa boonjait ya kawa da tip leh kam ka Awareness On Drug Abuse and Harmful Effects of Tobacco.
Neiliang u bru chemphang na ki pulit uwa man leh kam u In-charge kani ka Outpost, u C.G.R. Rymbai da batai yillu u hajrong kani ka phang.
Ha kani ka sngi da ong u wa em chiboon bha kiwa pynemkaam drugs ha ka District wei da kyntu u ya ki khynnah wa ymhoi u tba ki ya i drugs neibhah ini daw ktah i yei man i long yong ki hadooh wa ye ki wow dooh khih dooh kreh leh manda dep puræ.
Neiliang u Headmaster ka skur, u Riquoma Rq. Laloo, da e khublei u ya ka chnat pulit na East Jaiñtia Hills yei wan pynche pynsñiawthooh ko ya ini i kaam.
Da ong u leh wa kani man ko kawi na ki laad wow tip ki khynnah kammon u yait na i drugs wa na u duma.
Chooh chooh da ong u ya ki khynnah skur wow man ki kiwa sikai ya ka imlang sahlang, hadooh ha yung ha sem yong ki leh, dei wow ong, “Ymhoi u kynmoo tang u kynmoo leh ya u duma wa i drugs”.
Discussion about this post