Le ngut ki dkhot ka NSCN (K-YA) wa ar ngut ki dkhot ka NSCN (IM) ynnin ka sngi da wan pyndem ki hakhmat u ADC, ki pulit wa ki 6th Assam Rifles ha Tirap District ka Arunachal Pradesh.
Kini kiwa wan pyndem kynthup ki ya (36 snem), uwa man kam u Lance Corporal ka NSCN (K-YA), uwa da psiah chapoh ka seiñ ha u 2008. Da wan pyndem u deilang wa ka.32 mm Pistol deilang wa ki kuli .32 mm wa uwi u .32 mm Magazine.
Sa uwi toh u Wangjah Wangsu (21 snem), uwa man kam u SS Corporal ka NSCN (K-YA), uwa da man dkhot ha u Kmaichonglad (Dec) 2004.
U Khuadan Wangsu (30 snem), uwa man kam u SS Lance Corporal ka NSCN (K-YA), uwa da psiah chapoh ka seiñ ha u 2009.
U Chaifut Pansa (34 snem), uwa man kam u SS Corporal ka NSCN (IM), uni toh uwa da man dkhot ha u 2008.
U Thiamlang Tesia (36), SS Sergeant Major ka NSCN (IM), uwa da psiah seiñ ha u 2010.
