U Ruchir Marak uwa man u khon ka Deputy Chief Minister warim ka jylla, ka Deborah Marak da wan pyndem u ha ki pulit ka Laitumkhrah Police Station heiyatoh wa i tyrrah kari ha i miet ka 17 tarik uni u bnai ha Bawri Mansion, Dhankheti, Shillong.
Ha katai ka miet u Ruchir da yah u ya ka kari EcoSport (Ford) wa em Number ML 05 P 2414 kawa lai na Dhankheti chaliang Malki wei mar poi hajan Bawri Mansion da tyrrah u ya ki ar tylli ki scooty wei da yut wot u na ini i thaw.
Ha ini i jia uwi na kiwa yah scooty, u Lamjingshai Kupar Nongbet na Mawlai Mawroh da mynsoo u wei da kit noh ya oo cha Woodland Hospital.
Neiliang u Superintendent of Police ka East Khasi Hills, u Vivek Syiem da pyntikna u wa yah u Ruchir ya katai ka kari wa tyrrah ya kini ki ar tylli ki kari heiwa da kem ya oo wei da pynlait noh hadien wa yoh jamin u.
Puræ Chooh: Chah tyrrah ar tylli ki scooty ha Shillong; dang yut uwa yah ya ka kari
Puræ Chooh: Mih i pyrtuid u khon ka Montri warim hei tyrrah ka kari ya ar tylli ki Scooty ha Shillong
Discussion about this post