Ynne ka sngi sa kamwa 12 ngut ki dkhot ka seiñ kieñ suloi wa thymme ya kawa tip kam ka United Liberation of Bodoland (ULB) da wan pyndem lut ki ha Darrang District ka Assam.
Neiliang u DGP ka Assam, u GP Singh da ong u wa hadien wa phah u Montri Rangbah ka jylla, u Himanta Bisawa, ki pulit da kyntu ki ya ki dkhot kani ka seiñ wow liwan biang ki cha yung.
U Himanta Bisawa da ong u wa kam chibynta i kynjoh ya ki khynroo wei wow pynchlur ya ki wow uiñ cha yung, waroh ki dkhot ka seiñ ULP da uiñ ki ynne dei kyrmen wow wanrah yei roi hapoh ka jylla.
Kam wow pynkynmoo wa ka ULB kawa da mih pythai dang du hapoh chi bnai heiwa pyn ha uni u bnai da em 2 ngut ki dkhot yong ka kiwa chah siat ha ki pulit tangwa neiliang ka ULB da kyntait ko yeini.
Ka ULB da maham ko leh wow pynyap ya 20 ngut ki bru lada chah pynyap uwi u dkhot yong ka, da maham ko leh wow tympdung bomb.
