Baghmara : Uwi na ki heh yong ka Garo National Liberation Army (GNLA) uwa tim kam u Baichung kamjooh leh u Nikam Ch. Momin ynne ka sngi da wan pyndem u ha khmat u SP ka South Garo Hills District u Anand Mishra.
U Baichung man u kam uwa ar wa heh kyrdan dooh ka GNLA hadien u Sohan D Shira. Da wan pyndem u deilang wa ka suloi 5.56.X 45 HK-33 Rifle wa 120 tylli ki kuli wa kawi ka magazine.
Neiliang u Mishra da kam u wa ka GNLA katni dang em ko sa du 25 ngut donhi ki dkhot kiwa da duna bha ki tiar ya siat ha ki.
Da ong u leh wa u Baichung toh u wa pait ya ki thaaiñ South Garo Hills wa West Garo Hills.
U Baichung toh u wi na kiwa sdang ya ka GNLA, jooh em u leh na chwa wa ka ANVC wei da psiah u cha ka GNLA ha u Kmaichonglad 2009 heipor sdang u Sohan wa u Champion R Sangma ya ka GNLA.
U Baichung da ong u wa i leh u Sohan D. Shira toh i daw wa da hiar ka GNLA neibhah u Sohan i thmu u toh yow pyllang poisa donhi ya kawa da yoh ka GNLA ha kini ki 5 snem.
Da kynnoh u Baichung leh wa ya ka poisa waroh ka GNLA da chim u Sohan ka du ha oo samen donhi.
Da ong chooh chooh u wa u Sohan D Shira da pynman u ka ka GNLA ka khih yong yung u heiwa ka kurim yong oo wa u kong u boo u, kiwa tip kam u Salte wa u Ponty da pynemkaam ki ya ka poisa katwa ngait ki.
Discussion about this post