Jowai : U wa chah kynnoh wa slaitbor u ya ka wi ka khynnah wa chong kreh ha yung yong oo nadooh i por wa em ko 14 snem i rta, ynnin da wan pyndem u ha khmat ki pulit ka Dawki Police Station wei da kit ya oo pyn ynnin ka miet cha Jowai Police Station.
Ya uni u bru wa em 30 snem i rta da tip ya oo kam u Lawrence Lamin na Dawki wei da pynngat ya oo hapoh ka aiñ POCSO hapoh ka kyndon wa 4.
Neiliang kiwa ha yung ka khynnah da dep thoh ki leh cha u Chief Justice ka Meghalaya High Court hadien wa ym em chaniah ki yei rukom kreh ka Dawki Police Station wa slem ki u kem ya u Lawrence neibhah ya ka FIR da dep booh nadooh ka 17 tarik uni u bnai.
Ya kani ka jooh ka chithi da e leh cha ka Chairperson ka State Commission for Protection of Child Rights, Meghalaya, u SP ka West Jaiñtia Hills, Director General of Meghalya Police wa kiwi kiwi.
Ya u Lawrence ynne da yah ya oo hapoh ka yung bichaar wa em ha Jowai.
Also Read: Ar snem lynter cha slaitbor ka khynnah wa 16 snem
Discussion about this post