Shillong: U Montri Rangbah ka jylla u Dr. Mukul Sangma hawa wan pynhiar pyrda u ya ka College Week ka Tirot Sing Memorial College ha Mairang ynnin ka sngi, da pynchlur u ya kiwa puræ wow sñiawthooh ki yei sap yong ki deiwa chimbynta ha kiwa boon ki jait kaam.
Da ong u wa emkaam u yoh ya ka puræ puthi wa biang tangwa ymtoh u kut ko du heitæ donhi neibhah emkaam wow pyn takaliaw yei pyrkhat pyrdaiñ kiwa puræ wow thooh laad ki wow yoh kreh da iwa yatoh wa ki.
Chooh chooh da ong u wa ka sorkar da sdang ko da ki Community College heiwa ki chnong ki thaw u emkti ki wow pyllai ya ki deiwa pynkrehkaam ya ki katkam wa emkaam kiwa puræ.
U Dr. Mukul da ong u leh wa ki kaam puræ puthi hapoh ka jylla emkaam u man ki i dur ka jylla yow ye u riñ ya kiwi kiwa na baar jylla ka wow wanrah leh ya i roi i paar hapoh ka jylla.
Neiliang u Principal ka College u Dr. P.R. Lyngdoh Lyngkhoi da e dorkhat u ha u Montri Rangbah ha kani ka sngi.
Kiwi de kiwa em ha kani ka sngi kynthup ki ya u MLA ka Mairang Constituency u Metbah Lyngdoh, Deputy Chairman, State Planning Board Dr. Eureka F P Lyngdoh, u Syiem of Hima Nongkhlaw u Pa’iem Phrestar Manik Syiemlieh wa u Deputy Commissioner ka West Khasi Hills u Arunkumar Kembhavi.
Discussion about this post