Ka Akhil Bharatiya Vidyarthi Parishad (ABVP) Meghalaya da pynman ko ya ka ‘U Tirot Sing Best Student Award-2022’ ynne ka sngi ha U So So Tham Auditorium, Shillong.
Ha kani ka sngi u Montri ka chnat Puræ Puthi ka Nagaland, u Temjen Imna Along Longkumer da man u kam u kongsan hei emlang u Dr. Kestonbel Manik Syiemlieh, u Syiem khynnah ka Hima Nongkhlaw kam u symbood kongsan.
Ka ABVP da pynkupburom ko hadooh 80 ngut ki khynnah kiwa da lehbha ha ka SSLC wa HSSLC Examination 2022 na ki skur waphær waphær ka Ri-loom Khasi.
Neiliang u Temjen hawa e yei klam da yaroh u ya ki khynnah kiwa da minot wow yoh ya ini i kyrdan wei da kyntu u ya ki wow kreh sam chaphrang neibynta ka ri waroh kawi.
U Zonal Organising Secretary ka North East Zone, u Nirav Ghelani da khana u ya ki kaaam wa da leh ka ABVP wei da ong u wa kani ka seiñ da kreh ko wow wanrah ya i bha i miat ka ri deiwa yah ya ki khynnah ha ka luti wa miat katakm i bor yong ki.
Neiliang u Dr. Kestonbel Manik Syiemlieh uwa man leh kam uwa hiar pateiñ u Tirot Sing da khana u chaphang ki kaam wa chlur u Tirot Sing.
