Jowai : Ha ka yalang kawa da khut da ki artylli ki seiñbhalang kiwa khynthup ya ka Meghalaya Peoples’ United Front (MPUF) wa ka Khasi Jaiñtia National Union (KJNU) ynnin ka 27 tarik, da man ko kawa chongchit wei kawa jop heiwa kiwa boon na ki local taxi kiwa kamai hapoh ka chnong Jowai da wan chimbynta heiwa kiwa kamai kari da yohlaad ki u pynsñiaw ya kiwa boon i eh iwa yachem ki man ka sngi.
Da pynsñiaw ki wa ym em thaw pynyieñ kari wei boon sa du ki No Stopping Zone wei wym ye ka office u DTO u pynthymme ya ki kot kari kam ka permit heipor wa biang.
Ya ka yalang da pyllai da u general secretary yong ka seiñ KJNU, u Bishar Samaiang wei da yoh leh ya i klam tbian na u president ka KJNU u Niman N Shadap heiwa neiliang yong oo da pynsñiaw u yei pynemkaam bakla ya i dur yong u National Emblem ha ki sticker kari yong kiwa kamai kari local ha Jowai.
Neilaing u president ka MPUF da ong u wa ya ka sticker wa pynemkaam da u National Emblem toh u pynkylla noh katwa hei yatoh wa ka office u DTO da kular u wa ki arseiñ ym yohsa de ki u leh yeiwa emkaam wei u rah yei tlot i krehkaam ka tai ka office cha ki bor wa haneiñ wei daw booddien thij pa thij yeini waroh.
Discussion about this post