Jowai: U Jagadish Hiremani uwa man kam u dkhot ka National Commission for Safai Karmachari ynne ka sngi da wan u cha Jowai yow yachem wa kiwa kreh kaam kam ki kharmator wa kiwa lum yaaw wa pyllang jhep ym du kiwa em hapoh ka sorkar kamjooh kiwa em hapoh kiwi ki seiñ.
Katkam wa pyntip u SC Laloo, ADM ka West Jaiñtia Hills District u Jagadish da ong u wa kini kiwa kreh ha kam kini ki jait kaam toh u e Medical Checkup wa mynkna ya ki chisien 3 bnai ha ki Civil Hospital neibhah i kreh yong ki ye ko u wanrah ya ki kjut wa boon jait.
Da ong leh toh u booh Life Insurance ya ki lyngba ka Dr. Ambedkar Foundation wow yarap ya ki lada mynsoo ki heipor wa kreh ki.
Wa khaddoh toh u yarap ya ki u pynyoh ya ka ram wow chna yung.
Ha kani ka sngi neiliang kiwa kreh ka Jowai Municipal Board da pynsñiaw ki ha khmat u Jagadish wa ym em yoh tulop ki la 8 bnai wei da em leh 33 ngut kiwa kreh kam kiwa lum wow pyllang jhep wei na kini da em 10 ngut ki wymtoh kiwa kreh pura ka sorkar (Casual) wei da yoh tulop ki du T. 6,000 chibnai.
Neiliang u Jagadish da kular u wow yaklam wa ka sorkar yow pynku tulop ya ki cha ka T. 10,000 chibnai.
Discussion about this post