Wan pynyoo ki khyllood ka Jaiñtia Hills yei sap ha ka Audition Miss Universe Meghalaya wa Miss Teen Meghalaya wa pynman ha Jowai

Ha ka Audition neibynta wow jied ya kiwa chimbynta ha ka Miss Universe Meghalaya 2026 wa ka Miss Teen Meghalaya 2026 wa da pynman ha ka 10 tarik uni u bnai ha ka Hall ka Tympang Iawmusiang, Jowai da wan wow chimbynta 9 ngut ki khyllood ka Ri-loom Jaiñtia wow pynyoo yei sap ha kam kani ka jait yakob wei da man ko leh ka sien wa nyngkong wa da pynman ka ha Jowai.

Ha kani ka Audition kini ki khyllood da ya lai ki 3 kylla, heiwa ka kylla wa nyngkong toh ka Introduction Round, ka kylla wa 2 wei kawa 3 won da boohlang wa ki yukylli ya kini wa chimbynta.

Hei yaklam wa u State Director yong kani ka Miss Universe Meghalaya, u Brian N Wallang, da pyntip u wa da sdang yaka Audition na Tura haka 7 tarik, haka 10 tarik ha Jowai wa ka 14 tarik won ha Shillong.

Ha kini ki Audition ong u kiwa chimbynta da lehbha ki katkam i bor wa ye, wei yooluti u wa ki khyllood na kani ka thaaiñ u poi ki wow mihkhmat haka ri India wei wow mihkhmat leh haka rynsan cha baar ri.

Related posts

Deilang ka yalehbol hapyrdi ka liang u Wailadmiki Shylla wa u Kyrmen Shylla ha ka Fete ka Mukhla Raij LP School | Daw em leh ka Bumper Housie kawa Rs. 6 lak

March 9, 2026

Khut ka chnong Lumputhoi wow wan chimbynta ha ka Couples Dancing Competition

March 9, 2026

Ha ka Audition kawa daw pynman ha Shillong da yooluti u wow rap boon kiwa chimbynta neibhah tip u wa ha Shillong boon ki khyllood puræ kiwa na Ri-loom Jaiñtia wa Garo.

Da pyntip u wa ka Final Audition u man ko haka 1 tarik u bnai May, wei chwa itæ daw em ka Training wa 12 sngi ya kiwa chah jied heiwa daw sikai ya ki ha ki bynta waphær waphær.

Yooluti u deiwa yoh sikai ki hei klam i khana lada man kiwa jop næ rem leh daw yarap hi ko ya ki hei im wa chakhmat hei thooh khih thooh kreh.

Chooh chooh ong u kani ka rynsan man ko kawa biang tam ya ki khon khyllood u yoh mynsien ki wei deiwa lehbha ki ya idæ ye won ki wow pynyoo leh cha ka pyrthai wa ka Meghalaya kayi ka.

Neiliang u Tei Hinge, District Co-Ordinator pynsñiaw u i kmen wa da ye pynman ya kani ka Audition ha ki thaw waphær ka jylla, neibhah da yarap u pynduna yei lut i sep ki khon khyllood kamjooh ki bei ki pa yong ki dei wym hap de u lai jngai.

Kamwa man, kani ka Audition ha Jowai da man ko kawa jop wei yooluti u neini chakhmat kani ka rynsan neibynta ki khon kyllood wa em ka thong u lai chakhmat u yoh byntalang ki.