Wan sakhi u Chief Secretary ka jylla ya ka 16th Biennial General Conference, kawa pynman ynne ka sngi ha Maya Club Wahiajer

Jowai: Kiwa sikai LP School hapoh ka lama yong ka Meghalaya Government Primary School Teachers’ Association (MGPSTA), da wan emlang ki ha ka yalang wa tip kam ka 16^th Biennial General Conference, kawa pynman chi sien ar snem, ynne ka sngi ha Maya Club Wahiajer, West Jaintia Hills District, heiwa u Y. Tsering, Chief Secretary ka jylla Meghalaya da wan u kam u kongsan hei emlang ka Joint Director of Schools Education & Literacy, Meghalaya ka D. Khongiong kam ka symbood kongsan.

Ha ka yalang wa pyllai da u P.S.L Hujon President MGPSTA, da yoh ya ki ktien pdiang sniawbha na u President ka JGPSTA u H.T. Mohrmen wa i rwai pdiang burom na ki wa sikai ka Jaiñtia Government Primary School Teacher Association (JGPSTA), Wahiajer Unit.

U Y. Tsering kam u kongsan hei klam yong oo da ong u wa dap u dei kmen wow emlang ha kani ka sngi ha kani ka yalang neibhah oo leh jooh man u kam uwa sikai wei tip u yei eh i khoo yong ki.

Da ong u leh wa da poi u ha iwa man u katni toh nei kreh chitoom kiwa sikai ya oo. Kamtæ da kyntu u ya kiwa sikai wow e lut ki kamjooh wow pynbniah yei kaam yong ki khnang wow yoh ki ya i buit thymme ha ka juk katni wa kammon wow sikai.

Khlaad noh ka Kong Nitaboris Biam

November 9, 2024

Sñiawkhia u Andrew Shullai ya i tlot i rukom pynmih poisa ka JHADC

November 7, 2024

Hei yatoh won wa ka dorkhat wa e ka seiñ wa paan ya u Peon wow man leh kam u Chowkidar ha kawi pa kawi ka Government Primary skul, wow pynchna ya ki yung skur kiwa boon katni toh kiwa da jed da pra wa ka Single School Teacher’s Leave, neibhah katni kiwa sikai hap pait ki boon ki Class wei chem chitom ki heipor wa kjut wa chitom wa kiwi ki por wa emkaam, wei wow tipmit ya kiwa sikai da ka sorkar wei wow pynboon ya kiwa sikai neibhah katni ka/uwi kiwa sikai da hap pait ki boon tylli ki Class heijooh i por khamtam kiwa sikai Class V.

Neiliang u Y. Tsering da ong u wa waroh kini ki kyndon dawa toh kiwa emkaam sakhiat kiwa sikai Primary School khamtam ha kani ka pyrthai beh stat wei da pher leh i rukom man ki skur samen heiwa ki da ku lada wyrchaw wa ki skur sorkar. Da kular u leh wa daw rah u ya ini ha ka miej yaklam ka sorkar yow leh yeiwa emkaam.

Ha kani ka sngi da pynthymme ya kiwa ktikaam ka seiñ heiwa da jied ya u President da u Heimonmi T. Mohrmen, Vice President u K.K. Lynser, General Secretary u E.D. Rani, Assistant General Secretary u Creamson Wahlang, Treasurer ka Magnesha Lyndem.