Wan sakhi u Conrad ya ka sngi lehkmen Behdieñkhlam ka Raij Jowai

Jowai: Ka lehniam Behdieñkhlam ka Raij Jowai ynne ha Aitnar da poi ko cha wa kut wei da wan sakhi ya ka da ki hajar wa wan na kylleiñ ki jylla wa ka ri, wei da emlang leh u montri rangbah ka jylla u Conrad K Sangam wa ki montri u wa kynthup ya u Lahkmen Rymbui, u Comingone Ymbon, u Kyrmen Shylla, u Banteidor Lyngdoh, u A.L. Hek, u MLA ka Jowai u Wailadmiki Shylla, wei da em leh uwa yahkhmat ka liang pyrchah ka sorkar jylla u Dr. Mukul Sangma nalor kiwi de ki MLA wa kynthup ya u Shitlang Pale, u S.K. Sunn, ki MDC ka JHADC wa kiwi kiwi de kiwa chah khut sñiawbha.

Ha Aitnar hadien wa ki Khon Raij da tympat ki ya ka Symbood Khnong ki Kmai Raij, da pynhiar ya ki rot ha Aitnar kiwa klam hajrong ka juk wa katni ha ka imlang sahlang, wa i emkaam wow pynneh pynsah ya ka Rymaw wa kiwi kiwi.

Hadien wada pynhiar ki Kmai Raij ya ki kattu katni tylli ki rot ha Aitnar ki Khon Raij (Chilliangraij) da e ki ya ka Symbood Khnong ha Aitnar yow knieh tba ki khon ka Raij yow eh ka bok ka nasib.

Manda dep e ya ka Symbood Khnong ki Kmai Raij da sdang u pynhiar biang ya ki rot ha Aitnar.

Dei kreh yonglang pynkhreh ka Seiñ Raij Raliang ya ka Kopati Puja

November 17, 2024

Ha ka sngi pynkut ya ka Shad Nongkrem wan e kti u Lat ya ka aiñ Hima Khyrim Act, 2024

November 12, 2024

Hadien wa da pynhiar ya waroh ki rot ki Khon Raij da pynhiar ki ya ka Khnong Blai ha wow yaknieh u tba ya ka yow eh ka bok ka nasib, yow bha ka khih ka kreh yow yoh i roi i paar.

Ya ki rot da wanrah leh naka Seinraij Shillong, Seinraij Ummulong deilang wa ki khubor cha ki hajar ki paidbah wa wan sakhi ya kani ka lehkmen heiwa waroh da poi 13 tylli.

U Conrad K Sangma hawa e u yei klam kam u kongsan da ong u wa kani ka lehkmen toh kawa wanrah yaka suk ka saiñ, ka yatylli wei wow neh pateiñ la pateiñ, kamwa nadooh ka sorkar wa nachwa hadooh kawa katni kyrchaan ki ya kani ka lehkmen, wei u pyntikna wa ki pateiñ wow wan leh u yoh ki yei kyrchaan.

Da ong u leh wa haka imlang sahlang hanlada i lai i chakhmat na kawi ka por cha kawi ym toh u mylliñ i ya ka riti dustur, wei kam kani ka lehkmen u pynkynmoo ko leh ya i yei khlan ka riti dustur.

Hei yatoh wa ini da ong u leh wa neiliang ka sorkar em ko chiboon ki thmu yong ka wow pyntikna wa ka riti dustur u yoh ko yaka yada hadooh ki pateiñ wow wan.