Wan takit syndet syndet ki bru ka sorkar pyrdi yei jia ya ka wah Myntdu

Ki heh ka Central Pollution Control Board, Regional Directorate (North East) deilang wa u Dr. H. Tyngsong, Scientist- NE Regional Office ka Ministry of Environment, Forest & Climate Change ka sorkar India chirup u S. Syiem, Environment Engineer ka Meghalaya State Pollution Control Board, Shillong ynne da wan takit ki syndet syndet yei chah ktah ka wah Myntdu ha kiwa chna ya u sarok Jowai Bypass hadooh wa da khian da ktieh wei dap khyndaw ko.

Ini da kynroi khyndaw ko leh ya ka umbaam wa saam da ka PHE cha ki yung ha Jowai wa ki chnong wa yabi wa ka najrong wa da chah pynsih leh ki hali kiwa em ha ki pynthor chaneiñ wa cha wah ka Myntdu.

Ha ini i wan takit kini ki heh da lai pait ki ya i thaw wa noh khyndaw ka PWD wa kai cha liar Pamkam wa cha Myntdu, da lai pait leh yei thaw wa chah khloh moo chah khloh khyndaw na Mynkrem wa ka Myntdu, da chem leh yei taan um ka Contractor wa chna ya utai u sarok wa taan um ko na Mynkrem yow pynemkaam ha utai u sarok. Da takit ki leh ya i chna ka Jowai Municipal Board ya ki liar ki nalla wa kai cha Myntdu na iwa hukum ka NGT. 

Neitæ da lai pait won ki yei thaw wa noh khyndaw na iwa kit neiwa mih deiwa deiñ sarok, wei da chem ki du kajiak donhi i khyndaw wa da kit neiwa chna kat katai ka sarok kawa palat ya ka 5 Km i jrong wa uwa 25 mtrs i heh kynriñ.

Da paan ki leh na ka yung krehkaam u EE PWD (Rds) Jowai Division ya ki kot wa yoh bor ki u deiñ ya i dieñ, u ah ya ki loom wa u tih moo hawa siang sarok.

Related posts

U baam smai uwi kam u Montri sorkar na Ri-Bhoi napyrdi ki 8 ngut kiwa thymme | U man Montri leh u MLA ka Jowai

September 15, 2025

Maham u SP ya kiwa pynpoor yei dur wa i Video i metyap ka Insaphira

September 15, 2025

Hadien da lai takit ki leh cha Oorkhla, Khimusniang, ka thaw wa pynkhooid ka yung krehkaam u SDO PHE (E) ya ka um wa taan wa saam cha ki yung ha Jowai. Neiliang kini kiwa wan takit da chim ki ya ka um yow Test yei long ko kawa na Oorkhla wa na Mynkrem. Da takit ki leh ya ki thaw kiwa em harood ka Myntdu.

Ya i chem i yong ki waroh na ini i wan takit daw phah ki cha ka NGT.

Ha kani ka wan takit da emlang ka B. Blah, ADC, u H. Nengnong, EE PWD (Rds) Jowai Division, u O. Thubru, AEE wa kiwa kreh yong ki, u R. Challam SDO (E) PHE, Jowai Sub-Division, Jowai, u Manager ka M/s DCC ha i sakhi lang u Khroo L Pariat, President Khooid Ya Ka Wah Myntdu wa ki waheh ka chnong Jowai kiwa yakhunlang yow ye pynbha ya ka Myntdu wa kiwa im ha ka.