Ynnin i miet ka lieñsuiñ ka Indian Air Force (IAF) ka C-17 ‘Globemaster’ heipor 8:30 i miet da mih ko na Hindan Airbase wow lithooh ya ki nong India kiwa neh ha nongbah Tehran ka ri Iran kawa man ka ri wa soo wa boon dooh wa yoh ya u Coronavirus.
Ha kani ka lieñsuiñ da em leh ki ka dhab wa kyrpang yong kiwa sumaar bru (Specialist Medical Team) ki dawai wa ki tiar sumaar.
Kani ka lieñsuiñ da wan ko na Iran cha Hindan Airbase ynne i step chirup wa ki 58 ngut ki nong India. Kini kynthup ki ya ki 25 ngut ki chynrang, 31 ngut ki kynthai wa 2 ngut ki khynnah wei da wanrah leh ya 529 tylli ki sample ya kiwa daw puræ bniah (investigation) ya kini kiwa da wan thooh daw khang kset (Quarantine) ya ki hadooh 14 sngi.
Neiliang u montri ka chnat i chait i khiah,u Dr. S. Jaishankar da ekhublei u ya ka Embassy ka ri ha Iran, ka IAF wa kiwi kiwa da emkti wow lithooh ya kini ki 58 ngut.
Da ong u leh wa dang pynkhreh wow lithooh ya kiwi tawon wa dang em ha Iran.
Discussion about this post