U Lat ka Meghalaya u Brig. (Dr.) B.D. Mishra (Retd) ynne da wan u cha Jowai wei da yachem u leh wa ki khlieh District kamjooh ki khlieh ki chnat sorkar wow ya phyllu wa ki ha ka yalang wa da pynman ha Conference Hall ka yung krehkaam u Soil & Water Conservation Officer, Jowai.
Neiliang u Lat da pynchlur u ya ki khlieh ka District wow pyntikna wa ki Scheme sorkar poi ki cha waroh kiwa toh u yoh myntoi wei wow pynkrehkaam hok ya ki Scheme yow yoh myntoilang waroh.
U Lat da ban joor u leh yei emkaam wow saam salonsar yei yoh myntoi cha waroh hapoh ka District.
Neiliang u Additional Deputy Commissioner, u PK Boro da e khublei u ya u Lat yei kyrchaan kamjooh yei yahluti u yow pyntikna wa waroh ki Scheme pynroi da pynkrehkaam ki deiwa biang.
U Lat chwa u poi u ha Jowai ynne, da lai hiar chwa u cha Durga Temple ka Nartiang wei da lait pait u leh ya ki Moopynyieñ ha Nartiang hi.
