Ka Montri ka chnat i chait i khiah, ka Dr. Mazel Ampareen Lyngdoh ynne da wan wai ko yaka Loomkyrwiang Urban Primary Health Centre deiwa emlang u MLA ka Jowai uwa man leh kam u Chairman ka Meghalaya Urban Development Authority, u Wailadmiki Shylla, u Deputy Commissioner cum Chairman ka District Health Society, West Jaiñtia Hills, u B.S Sohliya, ka District Medical & Health Officer, ka Dr. Evalyneda B V Laloo deilang wa u President ka Kur Soo Kpoh Khadar Wyrnai uwa man leh u Dolloi ka Elaka Jowai, u Puramon Kynjing.
Ka Montri hawa e yei klam da pynsñiaw ko yei sñiawngooh ya ka Kur Soo Kpoh Khadar Wyrnai yei e sñiawbha ki yei thaw yow booh ya kani ka Urban Health Centre kawa da yarap wow yoh myntoi waroh kiwa chong chnong.
Da ong ko leh wa i wai ynne ka sngi man i iwa kyrpang neibhah wa man ko leh kam ka International Women’s Day iwa pynyoo leh yei kreh chitom yow pynyoh yei chait i khiah neibynta ki kynthai.
Da pynchlur ko leh ya kiwa kreh wow chimkhia ki yei chait i khiah kiwa dang khai khynroo khamtam ki khynnah kynthai kamjooh wow yahluti, wow hikai ki heipor wa dang heh dang san ki kamjooh yow pait yeiwa emkaam ki kam ki kynthai.
Da kyntu ko leh ya ki Pharmacy wow pyntikna wa dap wei biang i dawai ki wei wow pyntip smat chwa u lut ki dawai.
Kiwi de kiwa klam toh u MLA, u Deputy Commissioner wa u Dolloi.
Discussion about this post