Shillong: U montri ka Health and Family Welfare, u A.L. Hek ynne da wai u ya ka Laitkor Health Sub-Center kawa haap hapoh ka Smit PHC ha Laitkor Rngi, Shillong hei emlang u Samlin Malngiang, montri ka PHE; u Lambor Malngiang, uwa man kam u MLA ka thaaiñ heijooh i por kam u Chairman State Planning Board, Dr. B. Mawlong, DHS, MI; Dr. A. War, Jt. DHS; u P.T. Passah, BDO ka Mylliem C&RD Block; u Leonard Arun Mawrie, Rangbah Shnong uwa man leh kam u Chairman Laitkor Dorbar Pyllun; u S. Pyngrope, Rangbah Shnong, Laitkor Rngi wa kiwi kiwi.
Ha kani ka sngi, u Hek da ong u wa ka sorkar jylla yaleh ko wow wanrah yei chah sumaar wa miat wa iwa mynkna cha waroh kiwa chong chnong ka jylla khamtam ya kiwa dooh deiwa wai ya ki Health Center ha waroh ka jylla.
Da batai u leh ya ki thong yong ka Meghalaya Health Insurance Scheme (MHIS), deiwa kyntu ya ki paidbah wow wan chakhmat wow ye ki u yoh yarap ha ka poisa poilaiñ heipor wa chah sumaar ki.
Kiwi kiwa da klam toh u Lambor Malngiang, Dr. B. Mawlong, u Leonard Arun Mawrie u S. Pyngrope wa kiwi kiwi.
Ya kani ka yalang da pynlai da ka Dr. (Miss) E. Dkhar, District Medical Health Officer, East Khasi Hills, Shillong; u Dr. C. Majaw, M&HO in-charge Smit PHC won da e u ya ki kyntien pdiang burom katwa ya ki kyntien e khublei da yoh na ka Dr. (Mrs) R. Kharmih.
Discussion about this post