Jowai: Ynne ka sngi da wai pyrda ya ka 10th Mawryngkneng Greater Football League 2018-19 heiwa da wan wai u ya ka da u montri ka Sports & Youth Affairs u Banteidor Lyngdoh kam u kongsan hei emlang u Pyniaid Sing Syiem, MDC Sohryngkham Costituency kam u symbood kongsan.
Neiliang u montri da kular u wow yarap wow pynmiat ya ka madan Mawryngkneng Stadium neidaw wa sñiaw u wa em sakhiat ko i hok wow pynmait na ki madan wa em hapoh ka jylla.
Wei yei kular u da wanrah i leh dei kyriaw naki paidbah.
Ya kiwa yalehke won da pynchlur u ya ki wow chimkhia ki ya kani ka kaam wei wow man ki kiwa ryntih wa kiwa rai kut kamwa man kiwi kiwa yalehke kiwa poi cha khlieh dooh ka yalehke kam u Ronaldo wa u Messi.
Hawa kyruiñ won cha ka yalehke wa pynman ynne ka sngi hapyrdi ka Pomlahier SC waka Mawiong SC da man ko kawa jem chiliang heiwa ka Defending Champion Pomlahier SC da pynrem ko ya ka Mawiong Sung kawa dang ku kyrdan cha ka First Division da 5-0.
Ki kool da thap da u Tony Syngkli ha ka minit wa 7, ar kool na u Wallam Nongkhlaw ha ka minit wa 30 wa 45, u Mebanwel Kharsati leh da thap u deilang wa u Rishan Kharsati mar chi kool.
Discussion about this post