Jowai : U Dy. Chief Minister ka sorkar Jylla u Dr. R.C. Laloo ha kani ka 3 tarik u Naichiphaw da wan wai u ya ka yung skur (school building) ka Jowai District Presbyterian School ha Ialong, West Jaiñtia Hills District.
Ya kani ka skur “Jowai District Presbyterian School” da seiñ ya ka ha u snem 1994 wei da lai luti ko la kamwa 22 tylli ki snem, da seiñ ya ka da 6 tylli ki Balang Presbyterian wa haap hapoh ka district Jowai, na chwa ya kani ka skur jooh pynman yaka ha Jowai ha i yung wai, kamtæ ha uni u snem won da kyrriah ya ka cha Ialong hadien wada dep chna yong ka hi ka yung skur.
Kamtæ ha kani ka 3 tarik u Dy. Chief Minister ka sorkar Jylla u Dr. R.C. Laloo da wan wai paidbah u ya ka hei emlang u Andrew Shullai Dy. CEM JHADC, ka kong Darnei DMC SSA, ki bru wa heh ka Balang presbyterian nadooh ki Pastor, tymmen wasan yong ka District Jowai wa kiwi kiwi.
U ma R.C.Laloo hei klam yong o da ong u wa yooluti u wa i em kani ka skur heini i thaw u man ko i che ym du kiwa em cha jan, wat ya kiwa cha jngai kamjooh, da yaroh u yei bor wa khroo ka Balang Presbyterian hapoh ka District Jowai wa da ye ko u pyllai la 22 snem kattu ya kani ka skur hadooh wada yoh ko da ka yong ka hi ka yung skur.
Da kyntu haroh u ya ki wa pyllai ya kani ka skur heiwa leh ya iwon iwon toh u em i ngait wakhroo u wow yoh yei jop heiwon iwon i thmu wada mang.
Ka kong Darnei (DMC SSA) da kyntu ko ya kiwa sikai wow sikai ki ya ki khynnah hei yatoh wow kiar nei sih wa boonjait haka imlang sahlang neibhah manda heh da sdang ki u eh u pynsñiawthooh, kamjooh hajrong wym hoi u chongkha khynnah.
Kiwi won wa e yei klam toh u ma Andrew Shullai, Dy CEM JHADC, tymmen wasan M. Bareh dkhot ka SMC, tymmen wasan K. Siangshai Chairman ka Jowai Presbyterian District, wa kiwi kiwi.
Chwa ini da yoh yei puræ ya ka Bible na kawi na ki khynnah skur, i duwai na u pastor K. Syiemlieh u wa man leh u dkhot ka SMC. Da pynchongchit ya kani ka sngi dei chaad, ki rwai na ki khynnah.
Discussion about this post