U Montri i chait i khiah hapoh Meghalaya, u James P K Sangma ynne da wai u ya ka Biological Waste Management System, 10-Bedded Geriatric Ward waka P.S.A. Oxygen Generation Plant ha Civil Hospital, Shillong.
U James hawa e yei klam da pynsñiaw u yei sñiawngooh yei kreh chitom ki wakreh ka Civil Hospital hadooh i pliah i rukom pynlai ryntih ya ka Hospital hanla em boon iwa eh. Deiwa ong leh wa ka Civil Hospital, Shillong da man ko kam katæ ka nongmuna wa kiwi ki District Hospital u bood ki wei kini ki tiar ki tar wa dang yoh thymme toh iwa sdang thymme wei da emkaam leh wow pynbiang ha waroh kawi ka jylla.
U Sampath Kumar, Principal Secretary, Health and Family Welfare Department, hawa yaroh ya iwa da leh ka Civil Hospital heipor ka khlam COVID-19 kamjooh wa em i mynsien wow chakri paidbah da ban joor u leh wow man kam kiwa e mynsien ya kiwi neibhah ini yarap ya kiwi nadooh kiwa kjut wa chitom kamjooh para wareh. Da khana u leh wa ka Cancer Wing kani ka Hospital toh kawa da krehkaam pura deiwa pynkynmoo wa i kreh chitom wa i mynsien wa bha daw pynku ko ya ka Hospital hadooh wow man kam ka Super Specialty Hospital ha ki snem wow wan.
Ya ka yalang wa pynman ha pchem ka Hospital da pynman da ka yung krehkaam u Joint Director of Health Services, Civil Hospital, Shillong.
