U Prime Minister Narendra Modi ynne da wan wai u ya ka Donyi Polo Airport, Itanagar kawa da booh mooyurim u ha u Thohlakhmi (Feb) 2019 wei da ye u pyndep heipor wa da booh wot hapyrdi i pynthut ka khlam.
U Modi da ong u wa kani daw man ko leh ka Airport wa soo ha Arunachal Pradesh kawa krehkaam wei wa kani dapoi ki Airport cha 16 tylli ha ka thaaiñ North East.
Da ong u wa nadooh u 1947 hadooh 2014, da em du 9 tylli ki Airport tangwa du ha kini ki 8 snem da mih sa 7 tylli ki Airport kiwa da dep chna.
Da kular u leh ya ka Arunachal Pradesh wow pynlut sa T. 50,000 klur ha kini ki snem wow wan deiwa e nongmuna leh ya kiwa boon ki sarokbah wa dadep chna hapoh kani ka jylla.
Kani ka Donyi Polo Airport, Itanagar da man ko kam ka Greenfield Airport wa nyngkong dooh ka Arunachal wei da chna ya ka hei thaw wa heh 690 Acre hei dor wa T. 640 klur wei da em ko leh ya ka luti (Runway) wa jrong 2300m yow hiar ki lieñsuiñ wa heh wei kawa ye u pynemkaam lada man ka suiñbneiñ kammon kammon leh.
