U Montri ka chnat Agriculture and Farmers’ Welfare ka sorkar pyrdi, u Narendra Singh Tomar ha ka 5 tarik da wan wai u ya ka Administrative Cum Academic Block Office yong ka College of Agriculture ha Kyrdemkulai, kamjooh leh ka Girls Hostel yong kani ka College wa em ha Ri-Bhoi District.
Hawa e yei klam da ong u wa ka thaaiñ mihsngi toh ka thaw wa em chiboon ki jaitbru wa i rukom im waphær waphær. Da ong u wa ka ka thaaiñ man ko kam i bneiñ yong ka ri wei i rukom man ka Meghalaya deiwa kreh chitom daw ye wow pynkylla ya ka wei yeini da ong u heipor wa pynman ya ka North East Krishi Kumbha-2023 wa ka 49th Foundation Day yong ka ICAR Research Complex for NEH Region, Umiam.
U Tomar da sñiawkmen u wa i rep man i iwa kongsan tam neibhah ha jylla da ye wow pynku ya i yoh i laa ki warep.
Chooh chooh da ong u wa hapoh i yahkhmat u Narendra Modi, da pait ya waroh ki bynta yong i rep i riang kam ka PM-Kisan, Fasal Bima Yojana wa kiwi kiwi.
Da ong u leh emkaam wow burom ya ki warep kamjooh leh i kaam rep neibhah i rep yarap i wow pynku ya i yoh i laa ka ri.
Da ban joor u leh wa ka thaaiñ mihsngi toh ka thaw wa rep khlem pynemkaam dawai wei katni da ye wow chalan wot ya kini cha baar ri.
U Tomar da pynchlur u leh ya ki warep wow pdiang ya i kylla ha i rukom rep wei da pynkup burom u leh ya ki kattu katni ki warep. Ha kani ka yalang da pynlait leh ya ka Souvenir ka Taskforce Report wa kiwi ki kot heiyatoh wa ka Roll Amp African Swine Fever Kit, Northeast Soil Plus (NES+) wa kiwi ki Mobile Apps.
Ha kani ka sngi da emlang leh u K Moses Chalai, Secretary, North Eastern Council, Dr. B C Deka, VC AAU, Jorhat, Dr. Anupam Mishra, VC, CAU, Imphal, Dr. S K Chaudhuri, DDG (NRM), ICAR, New Delhi, Dr. K M Bujarbaruah, Former DDG & VC AAU, Dr V K Mishra, Director ICAR, NEH Region wa kiwi ki heh ka sorkar pyrdi wa sorkar jylla.
