Shillong: U Union Minister of State Youth Affairs & Sports u Kiren Rijiju, ynne ka sngi da wai u yaka Synthetic Athletic Track and Field wa yaka Synthetic Football Ground kawa em ha SAI Training Centre, NEHU Campus, Shillong kamjooh yaka Girls’ Hostel.
Hawa klam haka yalang, u Rijiju da ong u wa ka Meghalaya deilang wa kiwi ki jylla ka North East em ki chiboon ki bru kiwa ye ki wow pynmih kiwa ye u yakob ha ki kyrdan ka ri wot hadooh cha baar ri.
Kamtæ da ong u wa i pynchna, i pynmiat ya ki thaw pynpliah ya kiwa yalehke man ko iwa emkaam bha wei ini wadep da booh leh ya ki kaam yalehke Sports kam kiwi na ki kaam wa pait hapoh ka North Eastern Council, hajrong ini da pynchlur u yaki khynroo khyllood wow wan ki chakhmat cha ka Council yow yoh ki yei yarap. Da ong u leh wa neidaw wa ka Shillong em ko hajrong, kani ka Training Centre daw man ko leh wow pynkhreh ya kiwi kiwa yalehke cha kam kini ki thaw. Da pteiñ u deiwa ong wa ka SAI Training Centre, Shillong daw ye ko leh wow man kam ka Centre of Excellence hapoh ka ri.
Ha kani ka sngi da emlang leh ka Isawanda Laloo, Deputy Commissioner, East Khasi Hills, ka WAM Booth, Director of Sports & Youth Affairs, Meghalaya, u Sylvester Nongtnger, SP, East Khasi Hills, u Subhas Basumatary, SAI, Regional Director, NER deilang wa kiwi.
