U MLA ka Jowai, u Wailadmiki Shylla ynne ka sngi da wan wai u ya ka yung krehkaam ka Dorbar Chnong Ialong kawa dang dep chna pynmiat kawa da pynlut poisa napoh ka MLA Scheme namo ka SRWP Scheme 2018-19.
Ya kani ka yung krehkaam ka chnong da pynlut T. 5 lak naka MLA Scheme deiwa kynchew ka chnong sa T. 1,04,950.
U Wailad ha kani ka sngi da wai u leh ya ka Fete yong ka chnong kawa daw pynkut ynne ka sngi.
Hawa e yei klam, u Wailad da ong u wa ym jooh mylliñ u ya ka chnong Ialong neibhah toh kawa maya yei roi i paar wei neiliang yong oo da leh u katwa ye yow yarap ya ka chnong nadooh wow yarap pynchna ya ka LP School, u chna madan bol hei dor wa T. 10 lak, u pynyoh ya ki Scheme saam tin deiwa paan maap leh yei wym ye wow saam kymmor ini wadep cha waroh ki manyung.
Da yaroh u leh ya kiwa yahkhmat ka chnong kiwa tip u pyrkhat yei roi i paar heiwa da ye ki wow kynchew poisa wow chna ya kani ka yung krehkaam ka chnong.
Da pyntip u leh wa neidaw wa wan ka khlam da sahkut kiwa boon ki kaam neidaw wym poi poisa naka sorkar pyrdi neibhah ka Meghalaya toh kawa dang chaniah 90% ka poisa naka sorkar pyrdi kamtæ yei pynkreh wow chna pynheh pynmiat ya u sarok wow lai cha Ialong Park wa cha pynthor leh da sahteiñ ko na ini i daw tangwa da phah u ya ki sahep ka PWD wow pynchna ya iwa da sih uni u sarok katni.
Kamtæ da ong u neidaw wa wan ka klam da yoh u wow kreh du kamwa 2 snem na iwa da thmu neidaw wa joor pynthut ka khlam ya iwa boon wa mut u leh.
